ఒడిశా అంగుల్ జిల్లాలోని నైనీ ఓపెన్‌కాస్ట్ బొగ్గు గనిని సింగరేణి డైరెక్టర్లు పరిశీలించారు. ఎగ్జిక్యూటివ్ డైరెక్టర్ బి. వెంకన్న, డైరెక్టర్ (ఆపరేషన్స్) ఎల్.వి. సుబ్రమణ్యం సహా అధికారులు ఉత్పత్తి, రవాణా, స్టాక్‌యార్డ్, లాజిస్టిక్స్‌పై సమీక్ష నిర్వహించారు.రోజుకు 16 వేల టన్నుల ఉత్పత్తి లక్ష్యంగా పెట్టుకున్నామని స్థానిక అధికారులు వివరించారు. అనంతరం జారపాడ, హండప్ప రైల్వే గూడ్స్‌షెడ్లను సందర్శించి, పరాదీప్, ధమ్రా, గోపాలపురం పోర్టుల ద్వారా తమిళనాడు జెన్‌కోకు బొగ్గు రవాణా ప్రణాళికలను సమీక్షించారు.తమిళనాడు జెన్‌కోకు ఏడాదికి 50 లక్షల టన్నుల బొగ్గు సరఫరా చేయాల్సి ఉండటంతో, రోజుకు 4 రేక్‌ల ద్వారా రవాణా కొనసాగించాలని సింగరేణి డైరెక్టర్లు ఆదేశించారు. మూడు రోజులుగా వారు నైనీ కోల్‌బ్లాక్ ప్రాంతంలో పర్యటిస్తున్నారు.