శ్రీశైలం జలాశయానికి జూరాల, సుంకేశుల ప్రాజెక్టుల నుంచి వరద ప్రవాహం కొనసాగుతోంది. ప్రస్తుతం ఇన్‌ఫ్లో 91,812 క్యూసెక్కులు కాగా, ఔట్‌ఫ్లో 1,14,709 క్యూసెక్కులకు చేరింది. ఒక్క స్పిల్‌వే గేటు ద్వారా 27,524 క్యూసెక్కులు నాగార్జునసాగర్‌కు విడుదల అవుతున్నాయి. పోతిరెడ్డిపాడు, ఎడమ గట్టు, కుడి గట్టు పవర్‌హౌస్‌ల ద్వారా కూడా నీటి విడుదల జరుగుతోంది. ప్రస్తుత నీటిమట్టం 883.80 అడుగులు కాగా, పూర్తి స్థాయి 885 అడుగులు. నీటి నిల్వ 208.72 టీఎంసీలుగా ఉంది. నాగార్జునసాగర్‌కు ఎగువ నుంచి 94,709 క్యూసెక్కుల వరద నీరు వస్తోంది. ఔట్‌ఫ్లో 4,835 క్యూసెక్కులు. ప్రాజెక్టు నీటిమట్టం 572 అడుగులు కాగా, పూర్తి స్థాయి 590 అడుగులు. ప్రస్తుతం నీటి నిల్వ 261 టీఎంసీలు.