అలహాబాద్ హైకోర్టు జడ్జిపై ఆంక్షలపై గతంలో జారీ చేసిన ఉత్తర్వులను సుప్రీంకోర్టు ఉపసంహరించుకుంది. ఆగస్టు 4న ఓ జడ్జికి క్రిమినల్ కేసులు అప్పగించవద్దని సుప్రీంకోర్టు ఆదేశించిన విషయం తెలిసిందే. అయితే, ఈ తీర్పుపై సీజేఐ జస్టిస్ గవాయ్ అభ్యర్థనతో ధర్మాసనం తన నిర్ణయాన్ని వెనక్కి తీసుకుంది. న్యాయవ్యవస్థపై విశ్వాసాన్ని కాపాడటం కోర్టు ధ్యేయమని జస్టిస్ పార్దివాలా వ్యాఖ్యానించారు. అలహాబాద్ హైకోర్టు తీర్పు చట్టవిరుద్ధమైందని అభిప్రాయపడినప్పటికీ, సుప్రీంకోర్టు ఆంక్షల ఉత్తర్వులను రద్దు చేసింది.