దోహా వెళ్లేందుకు బయల్దేరిన ఎయిర్ ఇండియా ఎక్స్‌ప్రెస్‌ విమానం (IX 375) టేకాఫ్‌ అయిన రెండు గంటల తర్వాత సాంకేతిక లోపం కారణంగా కాలికట్‌ ఎయిర్‌పోర్ట్‌కు తిరిగి వచ్చింది. బుధవారం ఉదయం 9:07 గంటలకు 188 మంది ప్రయాణికులతో కలసి విమానం కాలికట్‌ నుంచి దోహా బయలుదేరగా, ఏసీ వ్యవస్థలో తలెత్తిన సాంకేతిక సమస్య కారణంగా ఉదయం 11:12 గంటలకు జాగ్రత్తగా విమానాన్ని తిరిగి ల్యాండ్‌ చేశారు. ఇది ఎమర్జెన్సీ ల్యాండింగ్‌ కాకుండా ముందుజాగ్రత్త ల్యాండింగ్‌ అని అధికారులు వెల్లడించారు. ప్రయాణికుల కోసం ప్రత్యామ్నాయ విమానం ఏర్పాటుచేయనున్నట్లు ఎయిర్ ఇండియా ఎక్స్‌ప్రెస్ తెలిపింది.