తెలంగాణలో ఆషాఢ మాసం బోనాల పండుగ ఘనంగా ప్రారంభం కావచ్చింది. జూలై 13, 14 తేదీల్లో సికింద్రాబాద్ ఉజ్జయిని మహంకాళి బోనాలు జరగనున్న నేపథ్యంలో, పోలీసులు కీలక నిర్ణయం తీసుకున్నారు. ఉత్సవాల్లో డీజేలకు అనుమతి ఉండదని స్పష్టం చేశారు. భక్తుల భద్రత కోసం 1500 మంది పోలీసులతో బందోబస్తు ఏర్పాటు చేశారు. ప్రత్యేక పార్కింగ్‌ ఏర్పాట్లు, ట్రాఫిక్ నియంత్రణతో భక్తులకు సౌకర్యాలు కల్పిస్తున్నారు. లష్కర్ బోనాలుగా ప్రసిద్ధిగాంచిన ఈ పండుగ నెలరోజుల పాటు వివిధ ఆలయాల్లో జరగనుంది. ప్రభుత్వం బోనాలను రాష్ట్ర పండుగగా గుర్తించి నిధులు కేటాయించడం ద్వారా పండుగ ఘనత మరింత పెరిగింది.