ఆంధ్రప్రదేశ్‌లో మెట్రో ప్రాజెక్టులపై ప్రభుత్వం కీలక నిర్ణయం తీసుకుంది. విశాఖపట్నం మరియు విజయవాడ మెట్రో రైలు ప్రాజెక్టుల కోసం రేపు (శుక్రవారం) టెండర్లు ఆహ్వానించనున్నట్లు అధికారిక సమాచారం. మొత్తం రూ.21,616 కోట్ల వ్యయంతో ఈ రెండు మెట్రో ప్రాజెక్టులు చేపట్టనున్నారు. ఇందులో విశాఖ మెట్రోకు రూ.11,498 కోట్లు, విజయవాడ మెట్రోకు రూ.10,118 కోట్లు కేటాయించనున్నారు. ప్రాథమికంగా 40 శాతం పనుల కోసం మొదటి దశలో టెండర్లు పిలవనున్నారు. ప్రాజెక్టుల నిర్మాణం కేంద్ర-రాష్ట్ర భాగస్వామ్యంతో (50:50) కొనసాగనుంది. విశాఖ మెట్రో కోసం వీఎంఆర్డీఏ రూ.4,101 కోట్లు, విజయవాడ మెట్రోకు సీఆర్డీఏ రూ.3,497 కోట్లు కేటాయించనున్నట్లు అధికారులు తెలిపారు.