ఐదో రోజు ఓవల్ టెస్టులో ఘన ప్రదర్శనతో భారత్‌కు విజయాన్ని అందించిన మహ్మద్ సిరాజ్‌ గురించి క్రికెట్ లోజండ్లు ప్రశంసలు కురిపిస్తున్నారు. అండర్సన్-టెండూల్కర్ ట్రోఫీలో 23 వికెట్లు తీసి టాప్‌ పేసర్‌గా నిలిచిన సిరాజ్‌ గురించి సచిన్ టెండూల్కర్ స్పందిస్తూ, అతడికి తగిన గుర్తింపు రాలేదని వ్యాఖ్యానించాడు. బుమ్రా లేకపోతే సిరాజ్ పేస్ యూనిట్‌కు నాయకత్వం వహించాడని, అతడి ధైర్యం, వేగం, స్థిరత చూపించారని కొనియాడాడు. ఐదు టెస్టుల్లో 1,113 బంతులు విసిరిన సిరాజ్ ఓవల్ టెస్టులో ఐదు వికెట్లు తీయడంతో గేమ్ ఛేంజర్‌గా నిలిచాడు. విదేశీ గడ్డపై నిరంతరం రాణించిన హైదరాబాదీ గల్లీబాయ్ సిరాజ్‌ ఇప్పుడిప్పుడే ప్రధాన బౌలర్‌గా ఎదుగుతున్నాడు.