నెల్లూరు జిల్లాలోని సైదాపురం మండలం మొలకలపూండ్ల గ్రామంలో నిమ్మ తోట తొలగింపు ఘటన ఉద్రిక్తతలకు దారితీసింది. సర్వే నెం. 793లోని 114 ఎకరాల ప్రభుత్వ భూమిలో గిరిజన రైతులు రెండు దశాబ్దాలుగా సాగు చేస్తున్నారు. తాజాగా ఈ భూమిపై హక్కు కారణంతో రెవెన్యూ అధికారులు రైతులకు నోటీసులు జారీ చేశారు.జులై 26న పోలీసులు భారీ బందోబస్తుతో అక్కడికి వెళ్లి, జేసీబీలతో నిమ్మ తోట తొలగించేందుకు ప్రయత్నించారు. రైతులు ఈ చర్యలను అడ్డుకోవడంతో, రెండు వర్గాల మధ్య ఘర్షణ వాతావరణం నెలకొంది. అధికారులు తమ మొక్కుల పంటను నాశనం చేశారంటూ రైతులు ఆవేదన వ్యక్తం చేశారు.“చేతికొచ్చిన పంటను నాశనం చేయడం అన్యాయం. అధికారులను మనవిచేశాం కానీ వినలేదు,” అని రైతులు మండిపడ్డారు. పోలీసులు భయపెట్టి తరిమారని కూడా వారు ఆరోపిస్తున్నారు.ఈ పరిణామాలపై నిరసనగా గ్రామస్తులు పొలాల వద్ద బైఠాయించి ఆందోళన చేపట్టారు. పోలీసులు, రెవెన్యూ అధికారులు, గిరిజన రైతులు మధ్య ఉద్రిక్తతలు ఇంకా కొనసాగుతున్నాయి. రైతులు తమకు న్యాయం చేయాలంటూ అధికారుల స్పందన కోరుతున్నారు.