పహల్గాం దాడికి ప్రతిస్పందనగా భద్రతా దళాలు కశ్మీర్‌లో ఉగ్రవాదులపై ఆపరేషన్లు ముమ్మరం చేశాయి. గత 100 రోజుల్లో నిర్వహించిన చర్యల్లో ఇప్పటివరకు 12 మంది ఉగ్రవాదులను హతమార్చారు. వారిలో ఆరుగురు పాకిస్థానీ ఉగ్రవాదులుగా గుర్తించారు. మిగిలినవారు కూడా స్థానిక ఉగ్ర దాడులతో సంబంధం ఉన్నవారే అని సమాచారం. ఆపరేషన్ సిందూర్‌, మహాదేవ్‌, శివశక్తి వంటి స్పెషల్ ఆపరేషన్లలో కీలక విజయాలు సాధించారు. షోపియాన్‌ కెల్లర్ అడవుల్లో మూడు మందిని, నాదెర్ ప్రాంతంలో మరింత మందిని మట్టుబెట్టారు. కేంద్ర హోంమంత్రి అమిత్ షా ప్రకారం, పహల్గాం ఘటనకు పాల్పడిన ముష్కరులను లక్ష్యంగా చేసుకుని భారత్ పాక్ ప్రాంతంలో దాడులు జరిపింది. నిఘా వర్గాల సమాచారం ప్రకారం, పీఓకేలో 110-130 మంది ఉగ్రవాదులు ఉన్నట్టు, కశ్మీర్ లో 70-75 మంది, జమ్ము ప్రాంతాల్లో 60-65 మంది చురుగ్గా కదులుతున్నట్టు తెలుస్తోంది.