భారత్‌లో టెస్లా ఎంట్రీకి ఆశించిన స్థాయిలో స్పందన రాలేదు. జూలైలో ముంబై, ఢిల్లీలో షోరూములు ప్రారంభించినప్పటికీ ఇప్పటి వరకు కేవలం 600 బుకింగ్స్‌ మాత్రమే నమోదయ్యాయని సమాచారం. కంపెనీ అంచనాలతో పోలిస్తే ఇవి చాలా తక్కువ. ఈ ఏడాదిలో 350-500 కార్లు డెలివరీ చేయాలని టెస్లా ప్లాన్‌ చేసింది. ప్రస్తుతం షాంఘై నుంచి వచ్చిన తొలి బ్యాచ్‌ వాహనాలను ముంబై, ఢిల్లీ, పుణే, గురుగ్రామ్‌లలో డెలివరీ చేయనుంది. భారత్‌లో మోడల్‌ వై (RWD, లాంగ్‌ రేంజ్‌ RWD) కార్లను మాత్రమే అందుబాటులో ఉంచగా, వీటి ధరలు రూ.59.89 లక్షల నుంచి రూ.67.89 లక్షల వరకు ఉన్నాయి. కానీ దేశంలో సగటు EV ధర రూ.22 లక్షలే కావడంతో అధిక ధర టెస్లా విక్రయాలపై ప్రభావం చూపుతోందని మార్కెట్ వర్గాలు చెబుతున్నాయి.