నార్సింగి పోలీస్ స్టేషన్ పరిధిలోని పుప్పాలగూడలో ఓ యువకుడిని గుర్తు తెలియని వ్యక్తులు ఇనుపరాడ్డుతో గొంతు కోసి దారుణంగా హత్య చేశారు. ఈ దృశ్యాన్ని గమనించిన స్థానికులు పోలీసులకు సమాచారం ఇచ్చారు. పోలీసులు ఘటన స్థలానికి చేరుకుని మృతదేహాన్ని పోస్టుమార్టం కోసం ప్రభుత్వ దవాఖానకు తరలించారు. వివాహేతర సంబంధం లేదా ఆర్థిక వివాదం హత్యకు కారణమా అన్న కోణంలో పోలీసులు దర్యాప్తు చేస్తున్నారు. పూర్తి వివరాలు ఇంకా తెలియాల్సి ఉంది.