అమెరికాలోని లాస్ ఏంజిల్స్ తూర్పు హాలీవుడ్‌లో శనివారం రాత్రి ఓ నైట్‌క్లబ్ వెలుపల భారీ దుర్ఘటన చోటుచేసుకుంది. ఒక వాహనం అదుపుతప్పి జనంపైకి దూసుకెళ్లింది. ఈ ఘటనలో 28 మందికిపైగా గాయపడగా, వారిలో ఐదుగురి పరిస్థితి విషమంగా ఉన్నట్లు అధికారులు తెలిపారు. గాయపడిన వారిని స్థానిక ఆసుపత్రులకు తరలించి చికిత్స అందిస్తున్నారు. వాహన డ్రైవర్ ప్రమాదానికి ముందు స్పృహ కోల్పోయి ఉండొచ్చని పోలీసులు అనుమానిస్తున్నారు. ఘటనకు సంబంధించిన పూర్తి వివరాలు ఇంకా తెలియాల్సి ఉంది.