నిర్మల్ జిల్లా కడెం మండలంలోని అల్లంపల్లి గ్రామంలో శుక్రవారం దుర్ఘటన జరిగింది. పొలంలో పనులు చేస్తున్న ట్రాక్టర్ అదుపు తప్పి బోల్తా పడింది. ఈ ప్రమాదంలో అల్లంపల్లి గ్రామానికి చెందిన పేల్యరావ్ సింగ్ ట్రాక్టర్ కిందపడి అక్కడికక్కడే మృతిచెందాడు. స్థానికులు మృతదేహాన్ని బయటకు తీసి పోలీసులకు సమాచారం ఇచ్చారు. ఆయనకు భార్య, ఐదుగురు సంతానం ఉన్నారు. పోలీసులు ఘటనపై కేసు నమోదు చేసి దర్యాప్తు చేపట్టారు.