నిజామాబాద్‌లో మానవత్వాన్ని కలచివేసే రెండు ఘటనలు వెలుగు చూసాయి. ఒక ఘటనలో, పుట్టిన కొద్దిసేపటికే ఓ ఆడ శిశువును గుర్తు తెలియని వ్యక్తులు రహదారి పక్కన వదిలేశారు. ఏడుస్తున్న శిశువును స్థానికులు గుర్తించి పోలీసులకు సమాచారం ఇచ్చారు. పోలీసులు తక్షణమే ఆమెను ప్రభుత్వ ఆసుపత్రికి తరలించి చికిత్స ప్రారంభించారు. ఇంకొక విషాదకర ఘటనలో, బాబన్‌సహాబ్‌ పహాడ్‌కు చెందిన కబీర్‌ అనే 7ఏళ్ల బాలుడు వీధి కుక్క దాడిలో గాయపడి, చికిత్స పొందుతూ ప్రాణాలు విడిచాడు. ఘటనపై పోలీసులు కేసు నమోదు చేసి దర్యాప్తు చేస్తున్నారు.