ఇన్‌స్టంట్ కాఫీ ఎక్కువగా తాగే వారిలో దృష్టి సమస్యలు వస్తున్నాయని తాజా అధ్యయనంలో వెల్లడైంది. చైనాలోని హుబే యూనివర్సిటీ, షియాన్ తైహే హాస్పిటల్ పరిశోధకుల అధ్యయనం ప్రకారం, ఇన్‌స్టంట్ కాఫీ కారణంగా వయోభారిత మ్యాక్యులర్ డిజెనరేషన్ (AMD) వచ్చే అవకాశం 700 శాతం పెరుగుతుంది. ఇది కంటి చూపును పూర్తిగా కోల్పోయే ప్రమాదానికి దారి తీస్తుందని హెచ్చరిస్తున్నారు. ఇన్‌స్టంట్ కాఫీల్లో ఉండే కొన్ని రసాయనాల వల్ల కంటి లోపల కీలకమైన భాగాలపై ప్రభావం పడుతుందని వివరించారు. ఫుడ్ సైన్స్ అండ్ న్యూట్రిషన్ జర్నల్‌లో ఈ వివరాలు ప్రచురితమయ్యాయి. కాఫీ ఎక్కువగా తాగే వారికి—ప్రతిరోజూ 4–5 కప్పులు తీసుకునే అలవాటు ఉన్నవారికి ఈ ప్రమాదం ఎక్కువగా ఉందని తేలింది. ఆరోగ్యంగా ఉండాలంటే ఇన్‌స్టంట్ కాఫీ వినియోగాన్ని పరిమితం చేయాలని నిపుణులు సూచిస్తున్నారు.