ఉత్తరప్రదేశ్‌ను భారీ వర్షాలు అతలాకుతలం చేస్తున్నాయి. ముఖ్యంగా ప్రయాగ్ రాజ్‌ సహా 12 జిల్లాలు వరద ముప్పుకు లోనయ్యాయి. గంగా నది పొంగిపొర్లుతోంది. వీధులు, ఇళ్లు నీటమునిగాయి. ప్రయాగ్ రాజ్‌ పరిసరాల్లో ఉన్న దాదాపు 5 లక్షల మంది ప్రమాదంలో చిక్కుకున్నారు. పరిస్థితిని అత్యవసరంగా సమీక్షించిన యూపీ ప్రభుత్వం, రెడ్ అలర్ట్ ప్రకటించి, పడవలతో ప్రజలను సురక్షిత ప్రాంతాలకు తరలిస్తోంది. ప్రత్యేక శిబిరాలు ఏర్పాటు చేసి సహాయ చర్యలు కొనసాగిస్తున్నారు.