గోదావరి-బనకచర్ల ప్రాజెక్టును అడ్డుకోవడంలో కేంద్ర, రాష్ట్ర ప్రభుత్వాలు విఫలమయ్యాయని బీఆర్ఎస్ సీనియర్ నేత హరీశ్‌రావు విమర్శించారు. ఈ ప్రాజెక్టును ఎలా ఆపాలో తమకెంతో బాగానే తెలుసని ఆయన హెచ్చరించారు. ఆంధ్రప్రదేశ్ మంత్రి లోకేశ్ వ్యాఖ్యలపై స్పందించిన హరీశ్‌రావు, బనకచర్ల ప్రాజెక్టుపై తెలంగాణ సీఎం రేవంత్‌రెడ్డి సహా మంత్రులు ఎందుకు స్పందించడంలేదని ప్రశ్నించారు. లోకేశ్‌కు సాగునీటి ప్రాజెక్టులపై పూర్తి అవగాహన లేదని, కేంద్ర సంస్థలు బనకచర్ల డీపీఆర్‌ను తిరస్కరించిందని గుర్తు చేశారు. కాళేశ్వరం ప్రాజెక్టును అడ్డుకుంటామని చెబితే ఏపీ మాత్రం మౌనం వహించిందని, చంద్రబాబు కాళేశ్వరం వ్యతిరేకంగా ఏకంగా 7 లేఖలు రాశారనే ఆధారాలు ఉన్నాయంటూ హరీశ్ ఆరోపించారు.