పశ్చిమ బెంగాల్‌ నుంచి బయలుదేరిన న్యూ జల్పాయ్‌గురి–పట్నా క్యాపిటల్‌ ఎక్స్‌ప్రెస్‌లో ఒకేసారి ప్రయాణిస్తున్న 56 మంది యువతులను చూసి రైల్వే సిబ్బందికి అనుమానం కలిగింది. టికెట్లు లేదా గుర్తింపు పత్రాలు లేకపోవడం, చేతులపై కోచ్‌, బెర్త్‌ నంబర్ల స్టాంపులు ఉండటంతో RPF అధికారులు ఆరా తీశారు. వారి మాటల్లో పొంతన లేకపోవడంతో ఇద్దరు అనుమానితులను అరెస్ట్ చేసి యువతులను రక్షణకు తీసుకున్నారు. యువతులందరూ 18 నుంచి 31 ఏళ్ల మధ్య వయస్సుగలవారు. వీరిని అక్రమ రవాణా చేస్తున్నట్టు ప్రాథమిక విచారణలో తేలింది. కేసు నమోదు చేసి పోలీసులు దర్యాప్తు కొనసాగిస్తున్నారు.