ఢిల్లీ: గత కొన్ని రోజులుగా ఎగువ రాష్ట్రాల్లో కురుస్తున్న భారీ వర్షాల కారణంగా యమునా నదిలో వరద ఉధృతి పెరిగింది. పాత రైల్వే బ్రిడ్జి వద్ద యమునా నీటిమట్టం 204.50 మీటర్ల ప్రమాదస్థాయిని దాటి, గురువారం ఉదయం 8 గంటల వరకు 204.88 మీటర్లకు చేరింది. హర్యానాలోని హత్నికుండ్ బ్యారేజీ నుంచి భారీగా నీటి విడుదల కూడా ప్రవాహాన్ని పెంచుతోంది. అత్యధికంగా 61 వేల క్యూసెక్కుల నీరు యమునాలోకి చేరిందని అధికారులు వెల్లడించారు. పరిస్థితి దృష్ట్యా ప్రజల్లో ఆందోళన నెలకొంది. ప్రభుత్వం అప్రమత్తమై ముందస్తు చర్యలు తీసుకుంటోంది.