సికింద్రాబాద్–నిజామాబాద్ మధ్య రైళ్లు మళ్లీ తిరుగుతున్నాయి
కామారెడ్డి జిల్లాలో వరదల కారణంగా రైల్వే ట్రాక్ దెబ్బతిన్నట్లుగా మూడు రోజులుగా సికింద్రాబాద్-నిజామాబాద్ రైళ్లు రద్దయి నిలిచాయి. తలమడ్ల దగ్గర ట్రాక్ మరమ్మత్తులు పూర్తయి, డెమో ట్రైన్ పరీక్ష విజయవంతంగా ముగిశ తర్వాత రైళ్లు మళ్లీ యథావిధిగా తిరిగి ప్రారంభమయ్యాయి.ఇప్పటికే రాయలసీమ ఎక్స్ప్రెస్ నిజామాబాద్కు చేరింది. మరమ్మత్తు పనులు సుమారు 36 గంటలపాటు కొనసాగింది. దక్షిణ మధ్య రైల్వే వరదల ప్రభావాన్ని పరిగణలోకి తీసుకుని కొన్ని రైళ్లను రద్దు, పాక్షిక రద్దు లేదా రీషెడ్యూల్ చేసింది. భిక్నూర్–తలమడ్ల, అక్కన్నపేట–మెదక్, గజ్వేల్–లకుడారం, బోల్సా–కర్ఖేలి రైల్వేస్టేషన్ల మధ్య సెక్షన్లు నీట మునిగినవి.రైలు రద్దులు, మార్పులు, రీషెడ్యూల్ల వివరాలు రైల్వే ఇన్స్టాగ్రామ్ (@scrailwayindia) మరియు అధికారిక వెబ్సైట్ (https://scr.indianrailways.gov.in/ ) ద్వారా అందించబడుతున్నాయి.
ఇందల్వాయి టోల్ప్లాజా వద్ద కంటైనర్ లారీలో అగ్నిప్రమాదం
నిజామాబాద్ జిల్లా ఇందల్వాయి టోల్ప్లాజా వద్ద కంటైనర్ లారీకి మంటలు అంటుకున్న ఘటన చోటుచేసుకుంది. డీజిల్ ట్యాంక్లో మంటలు చెలరేగడంతో ఒక్కసారిగా అగ్నికీలలు ఎగసిపడ్డాయి. ఈ సమయంలో టోల్ప్లాజా సిబ్బంది అగ్నిని అదుపు చేసే ప్రయత్నం చేశారు. వెంటనే సమాచారం అందుకున్న అగ్నిమాపక సిబ్బంది సంఘటన స్థలానికి చేరుకుని మంటలను అదుపులోకి తీసుకున్నారు. హైదరాబాద్ నుంచి నాగపూర్ వైపు పార్సిల్స్ తీసుకెళ్తున్న కంటైనర్లో ఈ ప్రమాదం జరిగినట్లు గుర్తించారు. అదృష్టవశాత్తు పెద్ద నష్టం తప్పిందని అధికారులు తెలిపారు.
వరదల్లో దెబ్బతిన్న రోడ్లకు శాశ్వత పరిష్కారం – ఉమ్మడి నిజామాబాద్, మెదక్
ఉమ్మడి నిజామాబాద్, మెదక్ జిల్లాలు సహా వరద ప్రభావిత ప్రాంతాల్లో రోడ్లు, వంతెనలు, కల్వర్టులు శాశ్వతంగా మరమ్మత్తు చేయడానికి ఆర్అండ్బీ ఇంజనీర్లు ప్రపోజల్స్ సిద్ధం చేస్తున్నారు. ముఖ్యమంత్రి ఆదేశాల ప్రకారం తాత్కాలిక రిపేర్ల కంటే శాశ్వత పరిష్కారం తప్పనిసరి. ఇంజనీర్ల వివరాల ప్రకారం, రాష్ట్రంలో 994 చోట్ల 1,130 కి.మీ రోడ్లు, 58 బ్రిడ్జీలు, 488 కల్వర్టులు దెబ్బతిన్నాయి. తాత్కాలికంగా రూ.69 కోట్లు ఖర్చు చేసి రోడ్లను వాహనాలకు సరిచేశారు. పూర్తి శాశ్వత మళ్లింపు కోసం రూ.1,136 కోట్లు అవసరమని నివేదికలో సూచించారు.