నిజామాబాద్ జిల్లా ఇందల్వాయి టోల్‌ప్లాజా వద్ద కంటైనర్‌ లారీకి మంటలు అంటుకున్న ఘటన చోటుచేసుకుంది. డీజిల్ ట్యాంక్‌లో మంటలు చెలరేగడంతో ఒక్కసారిగా అగ్నికీలలు ఎగసిపడ్డాయి. ఈ సమయంలో టోల్‌ప్లాజా సిబ్బంది అగ్నిని అదుపు చేసే ప్రయత్నం చేశారు. వెంటనే సమాచారం అందుకున్న అగ్నిమాపక సిబ్బంది సంఘటన స్థలానికి చేరుకుని మంటలను అదుపులోకి తీసుకున్నారు. హైదరాబాద్‌ నుంచి నాగపూర్‌ వైపు పార్సిల్స్‌ తీసుకెళ్తున్న కంటైనర్‌లో ఈ ప్రమాదం జరిగినట్లు గుర్తించారు. అదృష్టవశాత్తు పెద్ద నష్టం తప్పిందని అధికారులు తెలిపారు.