బంజారాహిల్స్‌ రోడ్ నం.12లోని శ్రీరాం నగర్‌కు చెందిన వహాబ్ ఇంటి ముందు సివరేజ్‌ లైన్‌ తరచూ బ్లాక్ అవుతున్నందున పలుమార్లు జలమండలికి ఫిర్యాదులు చేశారు. అయితే అధికారులు బాధ్యత వదిలేయడంతో వహాబ్‌ ప్రైవేటు కూలీలతో మరమ్మతు పనులు చేయించారు. ఈ క్రమంలో మ్యాన్‌హోల్‌లో వ్యక్తి దిగిన ఫొటో పత్రికలో ప్రచురించడంతో జలమండలి ఫిర్యాదు మేరకు పోలీసులు వహాబ్‌పై కేసు నమోదు చేశారు. దీనిపై వహాబ్‌ స్పందిస్తూ, అధికారులే సూచించడంతో పనులు చేయించుకున్నామని, తనపై అన్యాయంగా కేసు పెట్టారని ఆరోపించారు.