హైదరాబాద్ ఛాదర్ ఘాట్ బ్రిడ్జి వద్ద ఓ యువకుడు మూసీ నదిలోకి దూకి కనిపించకుండా పోయిన ఘటన కలకలం రేపుతోంది. బైక్‌ను ఫుట్‌పాత్‌పై పార్క్ చేసి, అతడు హటాత్తుగా వరద నీటిలోకి దూకడంతో అక్కడున్నవారు షాక్‌కు గురయ్యారు.స్థానికుల సమాచారం మేరకు పోలీసులు ఘటన స్థలానికి చేరుకుని గాలింపు చర్యలు ప్రారంభించారు. వరద ఉధృతి వల్ల గాలింపు కార్యక్రమంలో ఆటంకాలు ఎదురవుతున్నాయి.బైక్ నంబర్ ఆధారంగా యువకుడిని కిరణ్ గౌడ్‌గా గుర్తించినట్లు తెలుస్తోంది. ఇది ఆత్మహత్యా..? లేక ఇంకేదైనా కారణమా అనే కోణాల్లో పోలీసులు విచారణ చేస్తున్నారు. మరిన్ని వివరాలు ఇంకా తెలియాల్సి ఉంది.