అదిలాబాద్ నేర విభాగం: ఆదిలాబాద్ పట్టణం రామ్‌నగర్‌లోని ప్రధాన రహదారి పక్కన ఉన్న ఎస్‌బీఐ ఏటీఎంలో శనివారం తెల్లవారుజామున చోరీ ఘటన కలకలం రేపింది. దుండగులు గ్యాస్ కట్టర్‌తో ఏటీఎం లాకర్‌ కట్ చేసి అందులోని నగదు ఎత్తుకెళ్లారు. సీసీ కెమెరాలపై బ్లాక్ స్ప్రే చల్లి అక్కడి నుంచి ఉడాయించారు. ఘటన స్థలాన్ని డీఎస్పీ జీవన్‌రెడ్డి, సీఐలు కర్రె స్వామి, సునీల్ కుమార్ పరిశీలించారు. చోరీకి గురైన నగదు వివరాలను సేకరిస్తున్నారు.