హైదరాబాద్‌ క్రికెట్‌ అసోసియేషన్ (హెచ్‌సీఏ) లో జరిగిన అక్రమాలపై సీఐడీ దర్యాప్తు కొనసాగుతోంది. మల్కాజిగిరి కోర్టు ఆదేశాల మేరకు ఐదుగురు నిందితులను ఆరు రోజుల పాటు సీఐడీ కస్టడీలోకి తీసుకోవడానికి అనుమతి లభించింది. ఈ కేసులో హెచ్‌సీఏ అధ్యక్షుడు జగన్‌మోహన్ రావు, ట్రెజరర్ శ్రీనివాస్ రావు, సీఈవో సునీల్, రాజేందర్ యాదవ్, కవితలకు సీఐడీ ప్రశ్నలు వేస్తుంది. వీరిలో నలుగురు నిందితులను చర్లపల్లి జైలులో నుంచి, కవితను చంచల్‌గూడ జైలులో నుంచి అధికారులు తీసుకెళ్లనున్నారు. ఈ నెల 22వ తేదీ వరకు సీఐడీ కస్టడీలో విచారణ సాగనుంది. దర్యాప్తులో భాగంగా హెచ్‌సీఏలో జరిగిన పలు ఆర్థిక, పరిపాలనా విషయాలకు సంబంధించిన కీలక సమాచారం వెలుగులోకి రావొచ్చని అధికారులు భావిస్తున్నారు.