హైదరాబాద్‌ నగరంలో గురువారం భారీ వర్షం కురిసింది. మియాపూర్, కూకట్‌పల్లి, అమీర్‌పేట, బేగంపేట, పంజాగుట్ట, నాంపల్లి, ఎల్బీనగర్, వనస్థలిపురం, ఉప్పల్‌తో పాటు సికింద్రాబాద్‌, అల్వాల్‌, హబ్సిగూడ, నాచారం వంటి ప్రాంతాల్లో భారీ వర్షానికి రహదారులు జలమయమయ్యాయి. ఉప్పల్‌ స్టేడియం నుంచి హబ్సిగూడ దాకా ట్రాఫిక్ జామ్ ఏర్పడగా, నాచారం భవానీనగర్‌లో మోకాలి లోతు వరదనీరు నిలిచింది. యూసఫ్‌గూడ, కృష్ణానగర్ ప్రాంతాల్లో మ్యాన్‌హోళ్లు తెరుచుకొని ప్రమాదాన్ని కలిగించాయి. పలుచోట్ల వాహనదారులు తీవ్ర ఇబ్బందులు ఎదుర్కొన్నారు.