హైదరాబాద్‌ మెట్రో దేశంలోని ఇతర మెట్రోలతో పోలిస్తే అత్యధిక చార్జీలతో ప్రయాణికులపై భారాన్ని పెంచుతోంది. కనీస టికెట్‌ రూ.25గా ఉండగా, ఢిల్లీ, ముంబై, బెంగళూరు వంటి నగరాల్లో ఇది రూ.15లోపు. పార్కింగ్‌, వాష్‌రూమ్‌లు కూడా చెల్లింపు సేవలుగా మారడంతో మౌలిక సదుపాయాలు అందక జేబులు ఖాళీ అవుతున్నాయని ప్రయాణికులు అంటున్నారు. ఇక లాస్ట్‌ మైల్‌ కనెక్టివిటీ సరిగ్గా లేక అదనపు ఖర్చు భరించాల్సిన పరిస్థితి. మెట్రోను పీపీపీ మోడల్‌లో నిర్వహిస్తున్నప్పటికీ, దేశంలోని ఇతర పీపీపీ మెట్రోలతో పోలిస్తే హైదరాబాద్‌లో టికెట్ల ధరలు అధికంగా ఉన్నాయి.