హైడ్రా టోల్‌ఫ్రీ హెల్ప్‌లైన్ నంబర్ 1070ను ప్రారంభించినట్లు కమిషనర్ ఏవీ రంగనాథ్ తెలిపారు. చెరువులు, నాలాలు, పార్కులు, ప్రభుత్వ భూములపై కబ్జాలు జరిగితే ఈ నంబర్‌కు సమాచారం ఇవ్వవచ్చని చెప్పారు. ప్రకృతి వైపరీత్యాలు, వరదలు, అగ్ని ప్రమాదాల వంటి అత్యవసర పరిస్థితుల్లో కూడా హైడ్రా సేవలను ఈ నంబర్ ద్వారా పొందవచ్చని పేర్కొన్నారు. ఓఆర్ఆర్ పరిధిలో ప్రభుత్వ భూముల పరిరక్షణ కోసం 8712406899, అలాగే ప్రకృతి వైపరీత్యాలు, భారీ వర్షాలు, అగ్ని ప్రమాదాల సందర్భంలో 8712406901, 9000113667 నంబర్లను సంప్రదించాలని సూచించారు.