హైదరాబాద్‌లో జంట జలాశయాలకు భారీగా వరద చేరింది. ఉస్మాన్‌సాగర్ జలాశయం పూర్తిస్థాయిలో నిండటంతో అధికారులు 8 గేట్లు ఎత్తి 4,096 క్యూసెక్కుల నీటిని విడుదల చేస్తున్నారు. హిమాయత్‌సాగర్‌లోనూ నీటిమట్టం పెరగడంతో 3 గేట్లు ఎత్తి 2,300 క్యూసెక్కుల నీటిని విడిచారు. వరద ఉధృతి పెరగడంతో మంచిరేవుల బ్రిడ్జి నీటమునిగింది. నార్సింగి వద్ద ఓఆర్‌ఆర్ సర్వీస్ రోడ్డు మూసివేయబడింది. వాహనదారులు ప్రత్యామ్నాయ మార్గాలు వినియోగించాలని అధికారులు సూచించారు.