విశాఖపట్నం జిల్లా పద్మనాభం మండలం పాండ్రంకి సమీపంలో ఓ పాఠశాల బస్సు ప్రమాదానికి గురైంది. ఎదురుగా వస్తున్న వాహనాన్ని తప్పించే క్రమంలో బస్సు అదుపు తప్పి రహదారి పక్కకు దూసుకెళ్లింది. దీంతో బస్సు రెండు తాటి చెట్ల మధ్య ఇరుక్కుని ఒరిగిపోయింది. స్థానికులు వెంటనే స్పందించి బస్సులో ఉన్న విద్యార్థులను సురక్షితంగా బయటకు తీసుకొచ్చారు. ఎవరికి ఎలాంటి గాయాలు కాకపోవడంతో తల్లిదండ్రులు ఊపిరి పీల్చుకున్నారు. ఇటీవల కురిసిన వర్షాల కారణంగా రోడ్లు బురదమయం కావడం ఈ ప్రమాదానికి కారణమని స్థానికులు తెలిపారు.