సికింద్రాబాద్ ఉజ్జయిని మహాకాళి బోనాల జాతరలో రంగం కార్యక్రమం వైభవంగా నిర్వహించారు. ఇందులో మాతంగి స్వర్ణలత భవిష్యవాణి చేశారు. ఈ ఏడాది వర్షాలు సమృద్ధిగా కురుస్తాయని, పంటలు బాగా పండుతాయని చెప్పారు. అయితే మహమ్మారి మళ్లీ వచ్చే అవకాశం ఉందని, అగ్ని ప్రమాదాలు కూడా జరిగే అవకాశం ఉందని భక్తులను హెచ్చరించారు. పూజలు నిర్లక్ష్యంగా జరగడం వల్ల మరణాలు పెరుగుతున్నాయని పేర్కొన్నారు. తాను రక్తబలిని కోరుకుంటానని, భక్తులు పూజలు పూర్తి స్థాయిలో నిర్వహించాలని కోరారు. కాలం తీరితే ప్రతిఒక్కరూ తమ ఫలితాన్ని అనుభవిస్తారని వెల్లడించారు.