ఉస్మానియా యూనివర్సిటీ 84వ స్నాతకోత్సవాన్ని వచ్చే నెల మూడో వారంలో నిర్వహించనుంది. 2022–23, 2023–24 విద్యాసంవత్సరాల్లో డిప్లొమా, యూజీ, పీజీ, ఎంఫిల్, పీహెచ్‌డీ కోర్సులు పూర్తి చేసిన విద్యార్థులు పట్టాలు, బంగారు పతకాలు పొందేందుకు దరఖాస్తు చేసుకోవచ్చు. దరఖాస్తు ప్రక్రియ ఇప్పటికే ప్రారంభమైంది. ఆగస్టు 7వ తేదీ వరకు www.osmania.ac.in వెబ్‌సైట్‌లో ఆన్‌లైన్ ద్వారా దరఖాస్తు చేసుకోవచ్చు. ఆలస్యం అయితే రూ.500 అపరాధ రుసుముతో ఆగస్టు 12వ తేదీ వరకు అవకాశం ఉంటుంది. యూజీ బంగారు పతకాలను అనంతరంగా సంబంధిత కళాశాలల నుంచే అందజేస్తారు.