హైదరాబాద్: ఆగస్టు 24న నగరంలో మారథాన్ కారణంగా ట్రాఫిక్ ఆంక్షలు అమల్లోకి వస్తాయి. ఉదయం 4.30 గంటల నుంచి 9 గంటల వరకు పీపుల్స్ ప్లాజా నుంచి గచ్చిబౌలి స్టేడియం వరకు వాహనాల రాకపోకలు నియంత్రించనున్నట్లు ట్రాఫిక్ పోలీసులు తెలిపారు. హుస్సేన్ సాగర్, పంజాగుట్ట, జూబ్లీహిల్స్, దుర్గం చెరువు కేబుల్ బ్రిడ్జ్ మార్గాల్లో వాహనాలను మళ్లిస్తారు. డ్రైవర్లు ప్రత్యామ్నాయ మార్గాలు ఎంచుకోవాలని, ఎమర్జెన్సీ పరిస్థితుల్లో 9010203626 నంబరుకు సంప్రదించాలని సూచించారు.