హైదరాబాద్‌: రాష్ట్రంలో వర్షాభావం కారణంగా కూరగాయల సాగు తగ్గిపోయింది. దీంతో మార్కెట్లలో ధరలు భారీగా పెరిగాయి. బీన్స్‌ రూ.90, క్యాప్సికం రూ.80, చిక్కుడు రూ.75, పచ్చిమిర్చి రూ.60కి చేరాయి. సాగు తగ్గడంతో మహారాష్ట్ర, కర్ణాటక, ఏపీ నుంచి దిగుమతులు జరుగుతున్నాయి. జూన్‌లో రూ.55 ఉన్న బీన్స్‌ ధర జూలైలో రూ.90కి చేరింది. అలాగే క్యాప్సికం, పచ్చిమిర్చి, బజ్జీమిర్చి, బెండకాయ ధరలు కూడా రెట్టింపు అయ్యాయి. శ్రావణ మాసం వల్ల వచ్చే రోజులలో ధరలు మరింత పెరిగే అవకాశం ఉందని వినియోగదారులు ఆందోళన వ్యక్తం చేస్తున్నారు.