వరంగల్ మామునూరులో కొత్త ఎయిర్‌పోర్ట్ నిర్మాణానికి భూసేకరణపై రాష్ట్ర ప్రభుత్వం కీలక నిర్ణయం తీసుకుంది. ఇందులో భాగంగా రూ.205 కోట్ల నిధులు విడుదల చేస్తూ ప్రభుత్వం ఉత్తర్వులు జారీ చేసింది. ఇప్పటికే కేంద్ర పౌరవిమానయాన శాఖ మంత్రి కె. రామ్మోహన్ నాయుడు ఎయిర్‌పోర్ట్ నిర్మాణానికి ఆమోదం తెలిపారు. ఎయిర్‌పోర్ట్ నిర్మాణానికి అవసరమైన 253 ఎకరాల భూమిని రాష్ట్ర ప్రభుత్వం అందించనుంది. తాజాగా నిధుల విడుదలతో పనులు వేగంగా సాగనున్నాయి.